³ÉÈË¿ìÊÖ

Delwedd: Rhai o Leisiau Newydd Radio Lleol y ³ÉÈË¿ìÊÖ yn 2021

Lluniwyd ein Cynllun Amrywiaeth a Chynhwysiant y Gweithlu 2021-2023 er mwyn creu sefydliad mwy creadigol, cynhwysol ac amrywiol. 

Ymysg y meysydd cyflawni allweddol mae:

• roedd ein holl gynlluniau datblygu gyrfaoedd ar gael i’r holl staff ac roedd pob un ohonynt yn cyrraedd ein nodau amrywiaeth 50:20:12:25 neu’n rhagori arnynt
• dangosodd ein harolwg ar gyfer 2024 ein bod yn gwneud cynnydd cadarn yn y maes hwn: mae 78% o’r staff yn teimlo bod eu rheolwr yn creu amgylchedd tîm cynhwysol, i fyny bum pwynt canran o gymharu â 2022; mae 70% yn teimlo y gallant fod yn nhw eu hunain go iawn, i fyny dri phwynt canran o gymharu â 2022 ac mae 68% yn teimlo eu bod yn perthyn yn y ³ÉÈË¿ìÊÖ, i fyny bedwar pwynt canran o gymharu â 2022
• paratôdd ein Rhaglen Accelerator blwyddyn o hyd gyfranogwyr ar gyfer rolau uwch neu fwy cymhleth neu ddwfn. O fwy na 900 o ymgeiswyr, dewiswyd 26 o unigolion i gymryd rhan ac ers i’r rhaglen ddod i ben, roedd 44% o’r cyfranogwyr wedi cael dyrchafiad a 32% arall wedi cael cyfrifoldebau ehangach a mwy heriol, o fewn y ³ÉÈË¿ìÊÖ neu’r tu hwnt iddo
• nod ein Rhaglen Prentisiaid Gyrfaoedd Cynnar clodwiw yw cynyddu nifer y cyfleoedd lefel mynediad ym mhob rhan o’r sefydliad. Hyd yma, rydym wedi cyflogi mwy na 700 o Brentisiaid Gyrfaoedd Cynnar o amrywiaeth eang o gefndiroedd, gan gynnwys 70% o’r garfan ddiweddaraf y tu allan i Lundain
• mae ein prentisiaethau staff yn galluogi cydweithwyr i gasglu gwybodaeth, gwella sgiliau ac ennill cymwysterau ffurfiol
• treuliodd cydweithwyr o leiaf 20% o’u horiau gwaith arferol ar brentisiaeth staff, ac mae mwy na 250 o aelodau o staff wedi cymryd rhan hyd yma, gan gael hyfforddiant sydd wedi’i gynllunio ar gyfer y diwydiant gan ddarparwyr prentisiaeth arweiniol wrth barhau i weithio yn eu rôl bresennol
• gyda’n dull ‘Accessible First’ rydym wedi adolygu polisïau presennol mewn ymgynghoriad â’r staff ac wedi rhoi cyfres o newidiadau ar waith i wella cynhwysiant i staff anabl
• mae ein cynllun Pasbort Anabledd wedi helpu mwy na 100 o aelodau o staff i gael sgyrsiau gyda’u rheolwyr am yr addasiadau sydd eu hangen arnynt, gyda chyllid ychwanegol yn cael ei roi i uwchraddio ein technoleg pan fo angen
• mae rhaglen Cynghreiriaid Anabledd newydd yn helpu’r staff i chwarae rôl weithredol yn y newidiadau hyn ac mae ymgyrchoedd recriwtio wedi’u targedu yn helpu i ddenu talent anabl i’r adrannau Newyddion, y Gwledydd a Chynnwys, drwy ein rhaglen ³ÉÈË¿ìÊÖ Extend glodwiw
• er mwyn helpu ein timau i gydnabod gwerth talent amrywiol, gwnaethom greu pecyn cymorth cyflogi newydd ar gyfer Arweinwyr Tîm sy’n eu helpu i wirio a mireinio eu proses am unrhyw duedd bosibl. Yn dilyn hyn, gwnaethom gyflwyno fframwaith cyfweliadau newydd sy’n seiliedig ar werthoedd, wedi’i gynllunio i gydnabod potensial ymgeisydd yn hytrach na dim ond ei brofiad
• gwnaethom gyflwyno Mynegai Uwcharweinwyr newydd, sy’n helpu arweinwyr i ddeall amrywiaeth eu timau ac ymrwymiad staff, er mwyn cyflwyno lefel newydd o atebolrwydd a helpu ein huwch-dîm i ddatblygu’n barhaus
• er mwyn gwella amrywiaeth yr uwcharweinwyr, gwnaethom ganolbwyntio ar sut i gefnogi arweinwyr y dyfodol i berfformio ar eu gorau a gwneud y gorau o’u potensial, ni waeth beth fo’u cefndir
• er mwyn sicrhau safon aur am gynhwysiant, gwnaethom lansio Pecyn Cymorth Cynhwysiant i addysgu pob aelod o’r staff a sicrhau ei fod yn deall sut y gall greu diwylliant cynhwysol ar gyfer pawb fel rhan o’i rôl